Sinubukan kong magsulat muli
Sa kadahilanang nababalot ako ng pighati.
Pighating dulot ng kanyang paglisan.
Paglisan at tuluyang pagkalimot sa nakaraan.
Malamig sa pakiramdam,
Nangangatog na mga laman.
Ngunit wala nang mga kamay na yayakap
Wala nang init ng pagmamahal.
Hinahanap-hanap sa gabi-gabi
Pagmulat at pagpikit
Ang kislap ng mga matang kumikinang
Na kahit masakit, ay masarap pagmasdan.
Pagsulat at pagbasa ng mga salita
Mga salitang di naman nawika
Salitang di nagawang bitawan
Na hanggang ngayo'y nakabalalak pa sa lalamunan.
Pagsubok ng manunulat na nahinto
Sa agos ng buhay, siya ay nabalaho
Sumusubok umahong mag-isa
Walang malapitang kaibigan o pamilya.
"Kakapit pa ba, o bibitiw na
Wala namang nakakapansin o nakakaalala."
Wika niya, sa sariling nagdurusa
"Sa pagsulat muli ay susubok pa ba?"
Comments